Kataloniya mustaqilligi bo‘yicha referendum bo‘lmaydi. Bu haqda 7-sentabr, payshanba kuni Ispaniya hukumati raisi Mariano Raxoy ma’lum qildi, deb yozmoqda “TASS”.
“Men Kataloniya ma’muriyatining ayirmachilikka yo‘g‘rilgan qarorlari aksilkonstitutsiyaviy ekani yuzasidan Konstitutsiyaviy sudga da’vo kiritish haqida ko‘rsatma berdim. Referendum bo‘lmaydi”, — dedi Mariano Raxoy.
Raxoyning so‘zlariga ko‘ra, Kataloniya rahbari Karles Puchdemon “Kataloniya muammosini referendumdan boshqa yo‘llar bilan hal qilish imkoniyatini hech qachon qabul qilmagan”.
“Balki xotirjam bo‘lish kerakdir? Hech kim sizni noqonuniy xatti-harakatlarni qilishga undamayapti, qonun har doim sizni himoya qiladi”, — dedi Ispaniya bosh vaziri.
Izoh (0)