AQSh prezidenti Donald Tramp Erondan hibsga olingan amerikalik fuqarolarni qo‘yib yuborishni talab qildi, agarda talab qondirilmasa u Tehronga nisbatan “yangi jiddiy oqibatlar qo‘zg‘atadi”. Bu haqda Oq uyning 21-iyuldagi bayonotida ma’lum qilindi.
“Eron 40 yil davomida asirlarni qo‘lga olishdan davlat siyosatining quroli sifatida foydalanib keldi. Ushbu amaliyot bugungi kunga qadar davom etmoqda: yaqinda amerikalik fuqaro Siyue Van 10 yil qamoq jazosiga mahkum qilindi”, — deyiladi press-relizda.
Tramp josuslikda ayblangan AQSh huquq-tartibot organining sobiq xodimi Robert Levinsonni hamda biznesmenlar Siamak va Baker Namoziylarni ozod etishni talab qilmoqda.
Shuningdek, Oq uy Tehrondan mamlakatdagi qamoqxonalarda saqlanayotgan Amerika fuqarolariga yaxshi sharoit ta’minlab berilishini talab qildi.
“Agarda adolatsiz ravishda hibsga olingan AQSh fuqarolari ozod etilmasa, prezident Tramp Eron uchun yangi jiddiy oqibatlarni qo‘zg‘atishga tayyor”, — deyiladi bayonotda.
Izoh (0)