Gavayi orollariining aholisini KXDR tomonidan uyushtirilishi mumkin bo‘lgan yadroviy hujumga tayyorlash ishlari boshlandi. Bu haqda Associated Press agentligiga tayanib, “Interfaks” xabar berdi.
Shtat qonun chiqaruvchilari Shimoliy Koreya tomonidan ishlab chiqarilayotgan yadroviy qurol va ballistik raketalar tufayli tobora ortib borayotgan xavfga nisbatan “sovuq urush” davridagi rejalarni yangilashni talab qildi.
Shu sababli Gavayi favqulodda vaziyatlar agentligi o‘quv dasturini ishlab chiqardi. Unga ko‘ra noyabr oyidan boshlab har oyning birinchi ish kunida yadroviy hujum borasida ogohlantirish tizimining sinovi bo‘lib o‘tadi. Gavayiliklar sirena ovozini 80-yillarning oxiridan beri birinchi bor eshitadi.
Odamlarga varaqalar va televizion dasturlar yordamida signal paytida nima qilish kerakligi tushuntirib boriladi. Pana joy topish uchun 15—20 daqiqa kerak bo‘ladi va bu harakatlar avtomatik ravishda amalga oshirilishiga qadar yetkazilishi kerak, deya ma’lum qildi favqulodda faziyatlar xizmati.
Shuningdek, ularning ta’kidlashicha, ko‘pincha tabiiy ofatlar bilan to‘qnashib turadigan gavayiliklarda ikki haftaga yetadigan suv va oziq-ovqat zaxirasiga ega favqulodda komplekt bo‘lishi zarur.
Favqulodda vaziyatlar agentligining aytishicha, voqealarning bu kabi ssenariysini “ehtimolligi juda past”, biroq uni yo‘q deb bo‘lmaydi.
Izoh (0)