Qirg‘iziston prezidentligiga yana ikki nomzod mamlakat markaziy saylov komissiyasiga hujjatlarini topshirdi. Bu haqda K-News ma’lum qildi.
42 yoshli Bakit Degenbayev mahalliy ishlab chiqaruvchilar assotsiatsiyasi raisi hisoblanadi. Ikkinchi nomzod — 62 yoshli Sayniddin Sultaniddinov Latviya firmalaridan birining Bishkekdagi vakolatxonasini boshqaradi.
Oldinroq markaziy saylov komissiyasiga Temir Sariyev, Nazarbek Nishanov, Omurbek Tekebayevning vakillari, shuningdek, Rita Karasartova va Arstanbek Abdildayev ham hujjatlarini taqdim etgandi.
Eslatib o‘tamiz, Qirg‘iziston prezidenti saylovi shu yil 15-oktabrga belgilangan.
Izoh (0)