Dunyoning ko‘plab kompaniyalariga hujum qilgan tovlamachi-virus Hindistondagi Javaharla’l Neru nomli yirik konteyner portining yuk terminali ishdan chiqdi. Bu haqda “TASS” xabar bermoqda.
Petya nomi bilan tanilgan virus 28-iyun, chorshanbaga o‘tar kechasi portning 3 konteyner terminallaridan biri— Gateway Terminals India’ga xuruj qildi.
The Times of India nashriga ko‘ra, yuk oqimini kompyuter boshqarish tizimi ishdan chiqqan. Terminal rahbariyati ishni qo‘lda amalga oshirishni tashkil etishga urinmoqda, bu esa yuklarni qayta ishlash tezligiga ta’sir qilmoqda.
Hozirda hujum asoratlarini minimallashtirishga harakat qilinmoqda. Jumladan, yuklarni joylashtirish uchun qo‘shimcha joylar ajratildi.
Ma’lumot uchun, Javaharla’l Neru dunyoning 30 ta yirik konteyner portlaridan biri sanaladi va Hindiston konteyner eksport-import yuklarining yarmidan ortig‘ini qayta ishlaydi.
Izoh (0)