Turkiya 28-iyun, chorshanba kuni Iroq shimolida Kurdiston Ishchi Partiyasining marralariga aviazarbalar berdi. Bu haqda Milliyet gazetasiga tayanib, “TASS” xabar bermoqda.
Gazeta ma’lumotlariga ko‘ra, Turkiya aviatsiyasi Avashin-Basyan tumanidagi operatsiya vaqtida tashkilotning yetti a’zosini yo‘q qildi. Turkiya qurolli kuchlarining ma’lum qilishicha, KIP a’zolari harbiy obyektlarga qurolli hujum qilishga tayyorlanayotgan bo‘lgan.
27-iyundan 28-sanaga o‘tar kechasi Turkiya artilleriyasi Suriya shimolidagi Afrin va Azaz shaharlarida kurdlarning “O‘z-o‘zini mudofaa qilish xalq armiyasi” tuzilmasiga javob zarbasi berdi. Milliyet’ning qayd etishicha, kurdlar katta kalibrli pulemyotlardan turk harbiylarini o‘qqa tutgandi.
Izoh (0)