Hindiston yaqin orada Qo‘shma Shtatlar kabi fuqarolar uchun qulay sharoitlar yaratilgan mamlakatga aylanadi. Bu haqda mamlakat bosh vaziri Narendra Modi Vashingtonda hind diasporasi oldidagi chiqishi chog‘ida ma’lum qildi, deb xabar beradi “TASS”.
“Yuragingiz tubida mamlakatimiz qachon Amerika kabi bo‘ladi, degan savol yotgan bo‘lsa ajab emas. Ishontirib aytamanki, bu sizlarning hayotlik paytingizda ro‘y beradi. Yaqin orada Hindistonni taraqqiy ettiramiz”, — ta’kidladi Modi.
Hindiston bosh vaziri AQShda rasmiy tashrif bilan bo‘lib turibdi. 26-iyun, dushanba kuni uning prezident Donald Tramp bilan uchrashuvi kutilmoqda.
Ma’lumot uchun, AQShda kelib chiqishi Hindistonlik bo‘lgan 5 millionga yaqin kishi istiqomat qilishi taxmin etiladi.
Izoh (0)