Ҳиндистон яқин орада Қўшма Штатлар каби фуқаролар учун қулай шароитлар яратилган мамлакатга айланади. Бу ҳақда мамлакат бош вазири Нарендра Моди Вашингтонда ҳинд диаспораси олдидаги чиқиши чоғида маълум қилди, деб хабар беради «ТАСС».
«Юрагингиз тубида мамлакатимиз қачон Америка каби бўлади, деган савол ётган бўлса ажаб эмас. Ишонтириб айтаманки, бу сизларнинг ҳаётлик пайтингизда рўй беради. Яқин орада Ҳиндистонни тараққий эттирамиз», — таъкидлади Моди.
Ҳиндистон бош вазири АҚШда расмий ташриф билан бўлиб турибди. 26 июнь, душанба куни унинг президент Дональд Трамп билан учрашуви кутилмоқда.
Маълумот учун, АҚШда келиб чиқиши Ҳиндистонлик бўлган 5 миллионга яқин киши истиқомат қилиши тахмин этилади.
Изоҳ (0)