Bankrate tarmoq resurslari markazi tomonidan o‘tkazilgan yangi ijtimoiy tadqiqotda amerikaliklarning 24 foizi “qora kun”ga biror dollar ham asrab qo‘ymaganini tan oldi. Bu haqda “TASS” xabar bermoqda.
Tashkilotchilarning so‘zlariga ko‘ra, 2011-yilda o‘tkazilgan so‘rov natijalari bundan ham yomonroq bo‘lgan edi. Bankrate 2017-yil yanvar oyida amerikaliklarning 60 foizi 500 dollar miqdoridagi oldindan rejalashtirilmagan xarajatni to‘lash qobiliyatiga ega emasligini ma’lum qilgan.
AQSh markaziy banki vazifasini bajaruvchi Federal zaxira tizimining hisob-kitobiga ko‘ra, amerikaliklarning kredit kartalaridagi umumiy qarzdorligi bir trillion dollardan oshadi. Amerika yoshlari talabalik zayomlari va mashina sotib olish uchun zayomlar hisobiga kreditorlardan yana shuncha miqdorda qarzdor.
Izoh (0)