Kolumbiya shimoli-g‘arbida sayr kemasi cho‘kishi qurbonlari soni 9 kishiga yetdi. Bu haqda hodisa ro‘y bergan Antioka departamenti rasmiylari ma’lum qildi, deya xabar beradi “Vedomosti”.
Oldinroq kema halokatida 3 kishi o‘lgani bildirilgandi.
Guatape sayyohlik markazi yaqinida cho‘kib ketgan kemaning 30 dan ortiq yo‘lovchisi bedarak yo‘qoldi. 100 ga yaqin yo‘lovchi qutqarildi, ulardan 21 nafari jarohat oldi.
Ijtimoiy tarmoqlarda joylashtirilgan videolavhalarda odamlar bilan to‘lib-toshgan kema cho‘kishdan avval tebrana boshlaganini ko‘rish mumkin. Uning yo‘lovchilaridan biri Lorena Salazar kema bortida qutqaruv nimchalari bo‘lmaganini bildirdi.
Izoh (0)