22-iyunning e’tiborga molik yangiliklari — “Daryo”ning kechki dayjestida.
1. Shavkat Mirziyoyev Farg‘ona viloyatiga tashrif buyurdi. Prezident tashrifi davomida Marg‘ilondagi istirohat bog‘iga O‘zbekiston xalq shoiri Erkin Vohidov nomi berilishi va uning haykali o‘rnatilishi ma’lum bo‘ldi.
2. Ekspert: Valyuta bozori liberalizatsiyasi bilan qo‘rqitish shart emas. Ekspert Yuliy Yusupov boshqa bir ekspert — Aleksandr Davletovning fikrlariga qarshi fikr bildirdi.
3. Qozog‘istonda avtobus ag‘darilib ketishi oqibatida Rossiyadan qaytayotgan 9 nafar O‘zbekiston fuqarosi halok bo‘ldi. O‘zbekiston Tashqi ishlar vazirligi mazkur avariyada halok bo‘lgan o‘zbekistonliklarning shaxsini aniqlash choralarini ko‘rmoqda.
4. Qo‘shimcha kontrakt narxlari tasdiqlandi. Uning qiymati oddiy kontraktning 10 barobaridan ham oshishi mumkin.
5. Ahrol Inoyatov Babayanning qochib yurgani haqida aytib, yahudiylardan o‘rnak olishga chaqirdi. “Hozir Babayan o‘zini o‘zi tanimayapti”, — dedi O‘FF vakili.
Izoh (0)