Sodiq Safoyev: Hukumat tarkibidagi o‘zgarishlar uning faoliyatiga ijobiy ta’sir ko‘rsatadi

O‘zbekiston Prezidenti Shavkat Mirziyoyev saylanganidan keyingi kadrlar tarkibidagi o‘zgarishlar hukumat faoliyatiga ijobiy ta’sir ko‘rsatadi. Oliy Majlis Senati raisining  o‘rinbosari Sodiq Safoyev Xalqaro press-klub yig‘ilishida shunday fikr bildirdi, deya xabar beradi “Gazeta.uz”. 

“Hukumatga yangicha fikrlaydigan, O‘zbekistonning yaqin besh yillik Harakatlar strategiyasiga asos bo‘lgan g‘oyalarni o‘zida mujassam etgan yangi odamlar kelmoqda. Strategiya, hech mubolag‘asiz, taraqqiyotning butkul yangi falsafasini taqozo etadi”, — ta’kidladi Senat raisining birinchi o‘rinbosari. 

Sodiq Safoyevga ko‘ra, bugungi kunda barcha sohalarda shakllantirilayotgan jamoa strategiya bajarilishini ta’minlaydi va O‘zbekistonni rivojlanishning sifat jihatdan butunlay yangi darajasiga olib chiqishda muhim omilga aylanadi.