19-iyun, dushanba kuni Rossiya Davlat dumasida Rossiya Liberal-demokratik partiyasi vakili Vasiliy Vlasov tomonidan blogerlar kengashining ochiq majlisi tashkil qilindi, deb yozadi “Vedomosti”. Unda ushbu partiya yetakchisi Vladimir Jirinovskiy, Duma vitse-spikeri Pyotr Tolstoy, turli internet-nashrlar bosh muharrirlari va taniqli blogerlar qatnashdi.
Deputatlar “fikrlar yetakchilari” bilan muloqot yoshlar ishlari bo‘yicha qo‘mita bazasida doimiy bo‘lishi kerak, degan qarorga keldi. Tolstoy blogerlarga propusk yozib berilishini va’da qildi, Jirinovskiy esa blogerlar jamoatchilik bilan an’anaviy matbuotdan farqli ravishda “fikrlar yetakchilari” sifatida muloqot olib borishiga umid bildirdi: “Matbuotda senzura bor, ular yuqoridan nima deyishlarini kutishi kerak, sizlarda esa bunday narsa yo‘q, shu sababdan siz jamoatchilikka fikrlarni tezroq yetkaza olasiz”.
Tashkilotchilar ta’kidlashicha, ular barchani: Alisher Usmonovni ham, Aleksey Navalniyni ham, boshqa taniqli videobloger va jurnalistlarni ham taklif qilganini ta’kidladi.
Ammo Navalniy shtabi rahbari Leonid Volkov Navalniyga hech qanday taklifnoma kelmagani, kelganida ham, “tabiiyki bormagan bo‘lishi, chunki bu ahmoqona narsa ekanligi”ni aytdi. “Ustiga-ustak Navalniy bloger emas, balki prezidentlikka nomzod”, — deya qo‘shib qo‘ydi muxolifatchi.
“Biz Usmonovga va Navalniyga ‘VKontakte’ orqali taklifnoma yubordik, biz ularni bu yerga kuch bilan sudrab olib kela olmaymiz”, — deya aniqlik kiritdi Vlasov.
Izoh (0)