12-iyun kuni Peterburgda norozilik namoyishini o‘tkazgani uchun qo‘lgan olingan shaxslarning ma’lum qilishicha, ular tunni o‘tkazgan 33-politsiya bo‘limidagi kameraga gaz qo‘yib yuborilgan. Bu haqda “OVD-Info”ga tayanib, Meduza xabar berdi.
Tahririyatga Navalniyning Peterburgdagi shtabi vakillari tomonidan gaz haqida so‘zlagan ikki guvohning audioyozuvi topshirilgan. Yana ikki nafar guvoh gaz haqida bevosita “OVD-Info” nashriga so‘zlab berdi.
Guvohlarning so‘zlariga ko‘ra, politsiyachilar bo‘limda 12-iyundagi namoyishga aloqasi yo‘q shaxs kamerasiga gaz qo‘yib yuborgan. “Buni bajargan politsiyachilar o‘zlarining bo‘limida ventilyatsiya qay holda ishlashi haqida o‘ylashmagani aniq: gaz boshqa kameralarga ham tarqab ketdi”, — dedi guvohlardan biri.
Boshqa bir guvohning aytishicha, u tunni o‘tkazgan kamerada astmaga chalingan odam bo‘lgan va gaz sababli uning ahvoli og‘irlashgan. Oleg Kabatov ismli guvoh esa “Barchamiz bug‘ila boshladik. Qanchadir lahza davomida men shunchaki nafas ololmayotganimni tushundim”,— dedi “OVD-Info”ga.
Kameraga telefon olib kirishga muvaffaq bo‘lgan shaxslardan biri tez yordamni politsiya bo‘limiga chaqirgan. Shifokorlar “bu yerni nima qilib tashladinglar, nafas olib bo‘lmayapti-yu, bu yerga o‘nta tez yordam olib kelish kerak”, deya pulsini tekshirib qaytib ketvorgan.
Keyinroq politsiya qo‘lga olinganlarni kameradan yerto‘ladagi aktlar zaliga olib tushgan.
Guvohlardan birining tahminicha, politsiya bo‘limida qalampirli gaz qo‘llanilgan.
Izoh (0)