London shimolida odamlar ustiga bostirib borgan yuk mashinasining haydovchisi shifoxonaga yetkazildi, tekshiruvlardan so‘ng u hibsga olinadi. U ruhshunos ko‘rigidan o‘tishi kerak bo‘ladi. Bu haqda The Guardian nashri politsiya bayonotiga asoslanib ma’lum qildi, deb xabar berdi “RBK”.
Metropolitan Police — London politsiya xizmatining saytida chop etilgan xabarda qo‘lga olingan shaxs ruhshunos ko‘rigidan o‘tishi haqida so‘z bormaydi. Xabarda sodir bo‘lgan voqea yuzasidan politsiyaning terrorchilikka qarshi bo‘linmasi (CTC) shug‘ullanayotgani ta’kidlangan.
Yuk mashinasi 18-iyundan 19-iyunga o‘tar kechasi Londonning shimoliy qismidagi Seven Sisters ko‘chasida joylashgan masjiddan chiqayotgan odamlar ustiga bostirib borgan. Politsiya bir kishining halok bo‘lgani va o‘nlab odamlar jarohat olgani haqida ma’lum qildi. Yuk mashinasi haydovchisini fuqarolarning o‘zi voqea joyida qo‘lga olgan. Politsiya uning yoshi 48 da ekanligidan boshqa xabar bermadi.
Izoh (0)