Suriya qiruvchi samolyotini urib tushirgan AQSh boshchiligidagi xalqaro koalitsiya javob zarbasi olishi mumkin. Bu haqda Rossiya Federatsiya kengashining xalqaro masalalar bo‘yicha qo‘mitasi raisining birinchi o‘rinbosari Vladimir Jabarov ma’lum qildi, deya xabar beradi “Gazeta.ru”.
Senator mazkur mojaro xunuk oqibatlarga olib kelishi mumkinligi, shu sababli imkon qadar tezroq manfaatdor tomonlar diplomatlari uchrashuvini tashkil etish zarurligini bildirdi.
“Havo kemalarining bunday urib tushirilishiga yo‘l qo‘yib bo‘lmaydi — javob zarbasi olish mumkin. U yerda Suriya armiyasining S-300, bizning S-400 komplekslarimiz turibdi, bularning barchasi katta mojaroga sabab bo‘lishi hech gap emas”, — ta’kidladi Vladimir Jabarov.
Eslatib o‘tamiz, AQSh rahbarligidagi koalitsiya 18-iyun, yakshanba kuni Raqqa yaqinida Suriya harbiy-havo kuchlari samolyotini urib tushirdi.
Izoh (0)