Buyuk Britaniyadagi parlament saylovlarida hech qaysi partiya mutlaq ustunlikka erisha olmadi

Buyuk Britaniyadagi 650 saylov okrugidan 629 tasida ovozlar hisoblab chiqilgach, konservatorlar Jamoatchilik palatasida 304 ta, leyboristlar esa 258 ta o‘ringa ega bo‘ldi, deb yozadi “Interfaks”. Bu shuni anglatadiki, hukmron partiya endi parlamentda mutlaq ko‘pchilikni tashkil qila olmaydi, buning uchun kamida 326 ta o‘rin zarur.

Yana 20 ta saylov okrugida natijalarni hisoblab chiqish kerak, ammo saylovlarning asosiy yakunini ular o‘zgartira olmaydi: Britaniya OAVlari “osilib qolgan parlament” haqida amalga oshib bo‘lgan fakt sifatida yozmoqda. Leyboristlar rahbari Jeremi Korbin bosh vazir Tereza Meyni iste’fo haqida o‘ylab ko‘rishga chaqirmoqda, koalitsion hukumatni tuzish muhokama qilinmoqda.

So‘nggi ma’lumotlarga ko‘ra, Shotlandiya milliy partiyasi 34 ta, liberal-demokratlar — 12 ta, qolganlar esa yana 21 ta o‘ringa ega bo‘lgan.