Moskvada internetdagi “o‘lim guruhlari”dan birining ma’muri qo‘lga olindi, deb yozadi “Vesti.ru”. 26 yoshli moskvalik chelyabinsklik o‘quvchi qizni o‘z joniga qasd qilishga urinishgacha yetkazgani gumon qilinmoqda.
Uni allaqachon Chelyabinskka yetkazishdi va ikki oyga hibsga olishdi. Rossiya prezidenti yaqinda imzolagan qonunga ko‘ra, o‘z joniga qasd qilishga undaganlik uchun jinoiy javobgarlikka tortiladi, maksimal jazo — olti yillik qamoq.
Erkakning xonadoni tintuv qilinganida beshta smartfon, planshet va statsionar kompyuter topildi, ularda yozishmalarning barchasi saqlangan, hozirda bu ish bo‘yicha asosiy dalil, deyiladi xabarda.
Uning “o‘lim guruhi”da kamida 32 kishi bo‘lgan. 26 yoshli ishsiz Ilya Sidorov o‘zining butun mamlakat bo‘ylab joylashgan obunachilariga o‘z joniga qasd qilishga olib boruvchi dahshatli topshiriqlarni shaxsan o‘zi yuborib turgan.
Jinoyatchi uning ko‘rsatmalariga rioya qilgan holda o‘zini o‘ldirishga uringan, ammo oxir-oqibat hayoti saqlab qolingan chelyabinsklik 13 yoshli qizning dugonalari va sinfdoshlaridan so‘rab-surishtirish orqali topildi.
Izoh (0)