Буюк Британиядаги 650 сайлов округидан 629 тасида овозлар ҳисоблаб чиқилгач, консерваторлар Жамоатчилик палатасида 304 та, лейбористлар эса 258 та ўринга эга бўлди, деб ёзади «Интерфакс». Бу шуни англатадики, ҳукмрон партия энди парламентда мутлақ кўпчиликни ташкил қила олмайди, бунинг учун камида 326 та ўрин зарур.
Яна 20 та сайлов округида натижаларни ҳисоблаб чиқиш керак, аммо сайловларнинг асосий якунини улар ўзгартира олмайди: Британия ОАВлари «осилиб қолган парламент» ҳақида амалга ошиб бўлган факт сифатида ёзмоқда. Лейбористлар раҳбари Жереми Корбин бош вазир Тереза Мэйни истеъфо ҳақида ўйлаб кўришга чақирмоқда, коалицион ҳукуматни тузиш муҳокама қилинмоқда.
Сўнгги маълумотларга кўра, Шотландия миллий партияси 34 та, либерал-демократлар — 12 та, қолганлар эса яна 21 та ўринга эга бўлган.
Изоҳ (0)