IShID jangchilari soni 20 ming kishiga boradi. Bu haqda BMT bosh kotibi Antoniu Guterrishning Xavfsizlik kengashi yig‘ilishida taqdim etilgan hisobotida ma’lum qilindi, deya xabar beradi “RIA Novosti”.
“IShID jangchilari soni o‘tgan 16 oy mobaynida sezilarli darajada qisqardi va hozirda 12 mingdan 20 minggacha kishini tashkil etmoqda. Ayni vaqtda Iroq va Suriyaga bir qator hududlardan xorijiy terrorchilar kelishi oqimi ham pasaydi”, — deyiladi hisobotda.
BMT bosh kotibiga ko‘ra, jangarilarning o‘z mamlakatlariga qaytishi va mojarolar hududidan boshqa mintaqalarga o‘tishi xalqaro xavfsizlik uchun jiddiy xavf tug‘dirmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)