8-iyun, payshanba kuni muddatidan oldingi parlament saylovlari boshlandi. Mahalliy vaqt bilan 7:00 da (Toshkent vaqti bilan 11:00) butun mamlakat bo‘ylab 40 mingdan ortiq saylov uchastkasi ochildi. Bu haqda “TASS” xabar bermoqda.
Saylovchi sifatida ro‘yxatdan o‘tgan 46,4 million britaniyalik 22:00 gacha ovoz berishi mumkin. Shundan so‘ng yetakchi telekanallar ekzitpollar natijasini e’lon qiladi, tun bo‘yi ovozlar hisob-kitob qilinadi. Yakuniy natijalar esa 9-iyun, juma kuni ertalab ma’lum bo‘ladi.
Saylov natijlaridan kelib chiqib 650 deputatdan iborat Vakillar palatasining yangi tarkibi aniqlanadi. Deputatlar mandatlarining yarmidan ortig‘iga ega bo‘lgan partiya hukumatni shakllantirish huquqini qo‘lga kiritadi.
Tereza Mey boshchiligidagi hukmron Konservativ partiya yana 5 yil davomida hokimiyat ustida qolish-qolmasligi mazkur saylov jarayonining eng qiziq jihati hisoblanadi.
Izoh (0)