Argentina prezidenti Maurisio Makri o‘zini yomon his qilgani uchun, 24-may, chorshanba kuni Ekvador prezidenti Lenin Morenoning lavozimiga kirishish marosimini vaqtinchalik tark etishga majbur bo‘ldi, deb yozadi “TASS” davlat rahbari vakiliga tayanib.
O‘zini lohas his qilgan prezident dim zaldan chiqqach, uni navbatchi shifokorlar tekshirgan. So‘ng Makri koki yaproqlaridan damlangan choyni ichgan (Janubiy Amerika mamlakatlarida uni baland tog‘ sharoitlarida salomatlikni yaxshilash uchun ichishadi) va o‘zini yaxshi his qila boshlagach, marosimga qaytib kirgan.
Inauguratsiya yakunlangach, shifokorlar Makrini yana bir bor ko‘rikdan o‘tkazgan va unga tinch holatda dam olishni tavsiya qilgan. Ammo davlat rahbarining ahvoli uning ish grafigiga ta’sir qilmagan.
Izoh (0)