AQSh ma’muriyati Markaziy razvedka boshqarmasining maxfiy qamoqxonalarini qayta tiklash g‘oyasidan voz kechishga tayyor. Bu haqda New York Times gazetasi xabar berdi, deb yozadi “RIA Novosti”.
“Barchaga oshkor etilgan loyiha AQSh kongressida ikkala partiya vakillari va mahkama a’zolari o‘rtasida norozilikni keltirib chiqargach, Oq uy chet elda MRB o‘z vaqtida terrorizmga aloqadorlarni qiynoqqa solgan maxfiy qamoqxonalarni qayta ochish masalasini ko‘rib chiqishdan bosh tortganga o‘xshaydi”, — deyiladi maqolada.
Shu bilan birga, maqolada ta’kidlanishicha, hujjat loyihasida asl versiyaning Barak Obama ma’muriyati yopib tashlashga intilgan Guantanamodagi harbiy turmadan jiddiyroq maqsadlarda foydalanishga qaratilgan boshqa qismlari saqlanib qolgan. Nashr qayd etishicha, ushbu bandlar “prezident Donald Trampning ko‘p sonli va’dalariga, shu jumladan, u yerga yana qo‘lga tushgan terrorchilarni yo‘naltirish va ushbu turmadan mahbuslarni ko‘chirishni bas qilishga qaratilgan da’vatlariga mos keladi”.
Bundan tashqari, ta’kidlanishicha, qayta ko‘rib chiqilgan hujjat loyihasi Obama 2009-yilda chiqargan, ammo amalga oshmay qolgan Guantanamodagi qamoqxonani yopish to‘g‘risidagi ko‘rsatmani bekor qilmaydi.
Izoh (0)