АҚШ маъмурияти Марказий разведка бошқармасининг махфий қамоқхоналарини қайта тиклаш ғоясидан воз кечишга тайёр. Бу ҳақда New York Times газетаси хабар берди, деб ёзади «РИА Новости».
«Барчага ошкор этилган лойиҳа АҚШ конгрессида иккала партия вакиллари ва маҳкама аъзолари ўртасида норозиликни келтириб чиқаргач, Оқ уй чет элда МРБ ўз вақтида терроризмга алоқадорларни қийноққа солган махфий қамоқхоналарни қайта очиш масаласини кўриб чиқишдан бош тортганга ўхшайди», — дейилади мақолада.
Шу билан бирга, мақолада таъкидланишича, ҳужжат лойиҳасида асл версиянинг Барак Обама маъмурияти ёпиб ташлашга интилган Гуантанамодаги ҳарбий турмадан жиддийроқ мақсадларда фойдаланишга қаратилган бошқа қисмлари сақланиб қолган. Нашр қайд этишича, ушбу бандлар «президент Дональд Трампнинг кўп сонли ваъдаларига, шу жумладан, у ерга яна қўлга тушган террорчиларни йўналтириш ва ушбу турмадан маҳбусларни кўчиришни бас қилишга қаратилган даъватларига мос келади».
Бундан ташқари, таъкидланишича, қайта кўриб чиқилган ҳужжат лойиҳаси Обама 2009 йилда чиқарган, аммо амалга ошмай қолган Гуантанамодаги қамоқхонани ёпиш тўғрисидаги кўрсатмани бекор қилмайди.
Изоҳ (0)