Ruminiya bosh vaziri Sorin Grindyanu hukumatning mamlakatda keng ko‘lamli norozilik namoyishlarini keltirib chiqargan afv etish va jinoiy qonunchilikka tuzatishlar kiritish haqidagi qarori bekor qilinishini aytdi, deb yozadi “TASS”. Bu haqda u o‘z telemurojaatida ma’lum qildi.
“Ertaga (5-fevral, yakshanba) biz ushbu qarorni bekor qilish uchun hukumatning shoshilinch majlisini o‘tkazamiz. Men Ruminiyani parchalashni xohlamayman. Ayni paytda Ruminiya go‘yoki ikki qismga ajralib qolgandek, bu esa men istaydigan oxirgi narsa”, — dedi Grindyanu. Bosh vazir huquqiy hujjat kuchga kirmasligi uchun tegishli huquqiy tartibni topishga va’da berdi.
Bosh vazir bayonot bilan chiqish qilgan vaqtda hukumat bosh qarorgohi qarshisidagi maydonda namoyishchilar soni 160 ming kishiga yetgan.
Izoh (0)