AQSh saylangan prezidenti Donald Trampning o‘tish ma’muriyati Oq uy matbuot xizmati brifinglarini boshqa joyga ko‘chirish masalasini ko‘rib chiqmoqda. Bu haqda Esquire jurnali ma’lum qildi, deya xabar beradi “TASS”.
Mazkur choralar ma’qullangan taqdirda OAV uchun muntazam brifinglar Lafayett maydonidagi konferens-markazda yoki prezident qarorgohi yaqinida joylashgan binoda o‘tkaziladi.
Bu borada yakuniy qaror qabul qilinmadi. Donald Trampga qiziqish juda katta. 49 ta o‘ringa ega bo‘lgan zalda buning uchun yetarlicha imkoniyat bor deb o‘ylaysizmi? Biz oxirgi matbuot anjumanida ishtirok etish uchun minglab talabnomalar oldik, biroq 400 kishi bilan cheklanishga majbur bo‘ldik.Esquire manbasi esa brifinglar o‘tkaziladigan joyni ko‘chirilishiga AQSh OAVlarining Trampga nisbatan ochiq-oshkor dushmanlik munosabatini asosiy sabab deb bilmoqda.Shon Spenser, Oq uyning bo‘lajak matbuot kotibi
“Ular muxolifat partiyasiga aylandi. Biz ularni Oq uydan chetlatish va matbuot markazini o‘zimizga qaytarishni istaymiz”, — deya ma’lum qildi manba.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)