Koreya Respublikasi harbiy-dengiz kuchlari aviatsiyasi samolyoti xatolik tufayli dengizga bir nechta kemaga qarshi raketa, chuqurlik bombasi (suv osti kemalarini portlatadigan bomba) va torpeda (o‘zi harakat qiladigan suv osti snaryadi)ni tashladi, deya xabar bermoqda “TASS” “Ryonxap” agentligiga tayanib.
“Ekipaj a’zolaridan biri yarog‘-aslahalarni shoshilinch tashlash tugmasini tasodifan bosib yubordi, — dedi. — Ular tashlangan hududda bitta baliqchi kema bor edi, ammo u jabrlanmadi”.
Aniqlik kiritilishicha, dengiz razvedkasining Lockheed P-3CK samolyoti uchta kemaga qarshi “Garpun” raketasi, torpeda va bir nechta chuqurlik bombalarini Yanyan uyezdidan 30 mil sharqda Yapon dengiziga tashlagan.
Mamlakat qurolli kuchlarida tashlangan qurol-aslahalar portlashi xavfi yo‘qligini ma’lum qilishdi. Ularni suvdan chiqarib olish uchun hodisa joyiga mina tralchisi va qutqaruv kemasi yuborildi.
Izoh (0)