Корея Республикаси ҳарбий-денгиз кучлари авиацияси самолёти хатолик туфайли денгизга бир нечта кемага қарши ракета, чуқурлик бомбаси (сув ости кемаларини портлатадиган бомба) ва торпеда (ўзи ҳаракат қиладиган сув ости снаряди)ни ташлади, дея хабар бермоқда «ТАСС» «Рёнхап» агентлигига таяниб.
«Экипаж аъзоларидан бири яроғ-аслаҳаларни шошилинч ташлаш тугмасини тасодифан босиб юборди, — деди. — Улар ташланган ҳудудда битта балиқчи кема бор эди, аммо у жабрланмади».
Аниқлик киритилишича, денгиз разведкасининг Lockheed P-3CK самолёти учта кемага қарши «Гарпун» ракетаси, торпеда ва бир нечта чуқурлик бомбаларини Янъян уездидан 30 мил шарқда Япон денгизига ташлаган.
Мамлакат қуролли кучларида ташланган қурол-аслаҳалар портлаши хавфи йўқлигини маълум қилишди. Уларни сувдан чиқариб олиш учун ҳодиса жойига мина тралчиси ва қутқарув кемаси юборилди.
Изоҳ (0)