AQShning saylangan prezidenti Donald Tramp Demokratlar partiyasidan sobiq nomzod Hillari Klinton qaysi shtatlarga tayanishni bilmagani uchun saylovda yutqazganini ma’lum qildi. U saylashga vakil qilinganlar ovozi uchun kurashish saylovchilar ovozini olishga qaraganda qiyinroq ekanini ta’kidladi, deya xabar beradi “Korrespondent.net”.
“Saylashga vakil qilinganlar kollegiyasi ovozlarini olish kampaniyasini yuritish xalq ovozini olishga nisbatan ancha qiyin va murakkab. Hillari qaysi shtatlarga ko‘proq e’tibor qaratishni bilmagan. Аgar g‘olib xalq tomonidan saylanganida, saylovlarni bundan ham yaxshiroq o‘tkazgan, biroq kampaniyani boshqacha olib borgan bo‘lardim”, — deya yozdi Tramp Twitter’dagi sahifasida.
Eslatib o‘tamiz, oldinroq saylashga vakil qilinganlar Trampni AQSh prezidenti lavozimiga saylagani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)