Inson huquqlari bo‘yicha Yevropa sudi Rossiyadan 2006-yilda deportatsiya qilish chog‘ida huquqlari buzilgan gruzin da’vogarlariga 70 ming yevro to‘lash to‘g‘risida hukm chiqardi. Bu haqda “Vedomosti” xabar bermoqda.
Bunday qarorlardan biri “Shioshvili va boshqalar Rossiyaga qarshi” da’vosi bo‘yicha qabul qilindi. Liya Shioshviliga ko‘ra, u 2006-yil kuzida, 8 oylik homilasi, 4 nafar voyaga yetmagan bolasi bor holatda deportatsiya qilingan. Sud Shioshvili va uning bolalariga yetkazilgan ma’naviy zararni qoplash uchun 30 000 yevro to‘lash haqida hukm chiqardi.
Nino Dzidzavaning da’vosida keltirilishicha, deportatsiya davomida uning turmush o‘rtog‘i vafot etgan. Sud ayolga nisbatan inson huquqlari bo‘yicha Yevropa konvensiyasining yashash huquqi va noinsoniy muomalani man etuvchi moddalari buzilgan deb hisoblab, Rossiya rasmiylari zimmasiga unga 40 000 yevro to‘lash majburiyatini yukladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)