Qurolli guruhlar tomonidan Aleppoda asirlikda saqlangan Suriya armiyasi askarlari va zobitlari shahardan jangarilarni evakuatsiya qilish haqidagi kelishuvlar doirasida ozod qilinadi. Bu haqda “TASS” xabar bermoqda.
“Al-Vatan” gazetasiga ko‘ra, 20-dekabr, seshanba kuni shahar janubidagi al-Amiriya tumani blokpostida birinchi harbiy xizmatchi Suriya armiyasi ixtiyoriga topshirildi. U qurolli guruhlar tomonidan Alepponing sharqiy qismi qo‘lga olingan 2012-yildan beri, 4 yil davomida asirlikda bo‘lgan.
Oldinroq Suriya rasmiylari terrorchilar guruhi ixtiyorlariga berilgan avtobuslarda qurol-yarog‘ va asirlikka olingan harbiylarni olib ketishga uringanida jangarilar hamda ularning oilalarini Aleppodan chiqarish operatsiyasini to‘xtatib qo‘ygandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)