Turkiyada Rossiya elchisi Andrey Karlovning o‘ldirilishi “jahon hamjamiyati ortidan berilgan zarba” bo‘ldi. Bu haqda Rossiya Davlat dumasi raisi Vyacheslav Volodin ma’lum qildi, deya xabar beradi “RBK”.
“Karlovning o‘ldirilishini uyushtirgan terrorchilar o‘zining manfur ishini amalga oshirdi. Bunday jirkanch qilmishlarga qarshi faqat hamjihatlikda kurashish mumkin. Buning uchun parlament diplomatiyasi, barcha davlatlar parlamentlari imkoniyatidan foydalanish zarur. Rossiya deputatlari har bir parlament tizimiga murojaat etib, terrorchilikka qarshi yanada samarali kurashish, diplomatik vakolatxonalar, elchixonalar vakillariga hujum qilinishiga yo‘l qo‘yilmasligini talab qiladi”, — deya ta’kidladi Davlat dumasi raisi.
Eslatib o‘tamiz, oldinroq Rossiya prezidenti Vladimir Putin Andrey Karlovning dafn marosimida ishtirok etish uchun matbuot anjumanini boshqa kunga ko‘chirgani xabar qilingandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)