Lufthansa aviakompaniyasi ikkinchi hafta davom etayotgan uchuvchilar ish tashlashi tufayli bugun va ertaga 1,7 mingdan ortiq reys bekor etilishini e’lon qildi. Bu haqda “Interfaks” xabar bermoqda.
29-noyabr, seshanba kuni Germaniya aviatashuvchisi rejalashtirilgan 3 ming parvozdan 816 tasi amalga oshirilmasligi va bu 82 ming yo‘lovchiga tegishli bo‘lishini bildirdi. 30-noyabr, chorshanba kuni esa 98 ming yo‘lovchini eltishi lozim bo‘lgan 890 reys bekor qilinadi.
Lufthansa norozilik aksiyalariga barham berish uchun ish tashlashlarga sud taqiqini olish niyatida edi, biroq o‘tgan hafta bunday harakat sud tomonidan qo‘llab-quvvatlanmadi.
Hozirgi mojaro aviakompaniya uchuvchilarining eng uzoq cho‘zilgan ish tashlashi hisoblanadi. 29-noyabr kuni ish tashlash asosan ichki reyslar, 30-noyabrda esa Germaniya hududidan amalga oshiriladigan barcha parvozlarga ta’sir qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)