Fransiya bosh vaziri Manuel Vals hukumat rahbari lavozimini tark etmaslikka qaror qildi. Bu haqda mahalliy OAVlar Fransiya bosh vaziri qarorgohidagi manbalariga tayanib xabar berdi, deb yozadi “Interfaks”. Ularning ma’lumotlariga ko‘ra, Vals hukumat rahbari lavozimida qolib, “davlatchilik hissi”ni saqlab qolishga tayyorligini bildirgan.
28-noyabr, dushanba kuni Vals va Fransiya prezidenti Fransua Olland Yelisey saroyida ishchi nonushtasini o‘tkazgan edi. “Jurnal dyu dimansh” nashriga bergan intervyusida esa Vals kelasi yilda mamlakat prezidentligiga saylovlarda nomzodini ilgari surishga shayligini ma’lum qilgan edi.
O‘tgan hafta “Figaro” gazetasi hukumat rahbariga yaqin manbalariga tayanib, Vals Ollandni hokimiyatda ikkinchi muddatga qolmaslikka ko‘ndirishga urinayotganini xabar qilgan edi.
Olland ikkinchi muddat uchun o‘z nomzodini qo‘yish-qo‘ymasligi haqida 15-dekabrgacha e’lon qilishi kerak. Bu — fransiyalik so‘llar praymerizida nomzodlikni rasmiylashtirish uchun so‘nggi muddat. Ba’zi kuzatuvchilar Ollandning mamlakatdagi past reytingini hisobga olgan holda, uning saylovlarda qatnashmagani ma’qul, deb hisoblaydi. Muqobil nomzod sifatida ko‘plab OAVlar aynan Valsni keltirmoqda.
Fransiya prezidentligiga saylovlar 2015-yil bahorida bo‘lib o‘tadi.
Izoh (0)