Etalon markadagi neft narxlari Iroq neft vaziri OPEKning neft qazib olish hajmini qisqartirish borasida bitimga kelishi imkoniyatiga ijobiy baho bergach, 28-noyabr, dushanba kuni savdolar chog‘ida mo‘tadil o‘sib bordi, deb yozadi “Vedomosti”.
Brent neftining yanvar fyucherslari kotirovkalari Londonning ICE Futures birjasida Toshkent vaqti bilan 21:03 ga kelib, 0,66 dollarga (1,4%) qimmatlashib, barreliga 47,9 dollarni tashkil etdi. WTI neftining yanvar fyucherslari narxi Nyu-York tovar birjasi (NYMEX) elektron savdolari chog‘ida 0,65 dollarga (1,41%) — barreliga 46,71 dollargacha qimmatlashdi.
Iroq OPEKning barcha a’zolari uchun maqbul bo‘lgan kelishuvga erishishda tashkilot bilan hamkorlik qilishga so‘z beradi, dedi mamlakat neft vaziri.
30-noyabr kuni Venada OPEKning rasmiy uchrashuvi bo‘lib o‘tishi kerak, unda neft qazib olish hajmini muzlatib qo‘yish haqida yakuniy qaror qabul qilinishi mumkin.
Izoh (0)