AQSh harbiy-dengiz kuchlarining R-8A Poseidon kemaga qarshi patrul samolyoti 28-noyabr, dushanba kuni Rossiya harbiy-dengiz floti kemalari Sharqiy O‘rtayer dengizida to‘plangan joyga navbatdagi razvedka parvozini amalga oshirdi. Bu haqda “Interfaks” xabar bermoqda.
Harbiy aviatsiya harakatlanishini kuzatadigan xorijiy saytlarga ko‘ra, dushanba kuni ertalab Sitsiliyadagi “Sigonella” aviabazasidan parvoz qilgan AQSh samolyoti hozirda Rossiya kemalarini faol ravishda kuzatib bormoqda. Kemalar orasida “Admiral Kuznetsov” og‘ir aviatashuvchi kreyseri ham bor.
Parvoz chog‘ida samolyot Kipr sohilining janubi va shimoli-sharqidagi dengiz akvatoriyasini kuzatadi. R-8A Poseidon 6,5 ming metr balandlikda aylanma manyovrlarni amalga oshirmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)