AQShning Ogayo universitetidagi otishmada 8 kishi yaralandi
AQShdagi yirik oliy o‘quv yurtlaridan biri, 65 mingdan ortiq talaba tahsil oladigan Ogayo shtati universiteti hududidan 8 kishi kasalxonaga yetkazildi. Ulardan biri o‘ta og‘ir holatda, deya xabar bermoqda “RBK”.
Rasmiylar hodisa sababiga oydinlik kiritmadi, biroq o‘quv yurti ma’muriyati Twitter’da kampus hududida mergan borligini ma’lum qilgan.
Universitetning falokatdan darak berish tizimi talabalarga qochish yoki xavfsiz joyga yashirinish, shuningdek, o‘quv yurti hududiga kirmaslikni maslahat bergan.
CNN telekanali huquq-tartibot idoralariga tayanib, otishmada gumon qilinuvchi o‘ldirilganini bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
