AQShning yangi saylangan prezidenti Donald Tramp marhum Kuba inqilobi yetakchisi Fidel Kastroni shafqatsiz diktator deb atadi, deb yozadi “Vedomosti”.
“Bugun butun dunyo taxminan olti avlod davomida o‘z xalqiga zulm qilgan shafqatsiz diktatorning vafotini muhokama qilmoqda”, — dedi Tramp.
U Kuba xalqi qachondir ozodlikka erishishiga umid bildirdi. “Kuba totalitarizm oroli bo‘lib qolayotgan bir paytda shunga umid qilamanki, bugungi kun juda uzoq vaqt bardosh berilgan dahshatlardan ajoyib Kuba xalqi o‘zi loyiq bo‘lgan ozodlikka erishadigan kelajakka o‘tilgan kun sifatida ifodalanadi”, — dedi Tramp.
Eslatib o‘tamiz, Kuba inqilobi yetakchisi sifatida tanilgan Fidel Kastro 90 yoshida olamdan ko‘z yumdi. Shundan so‘ng Tramp o‘z Twitter’ida “Fidel Kastro vafot etdi!”, — deya qisqa xabar qoldirdi.
Saylovoldi kampaniyasida Tramp Fidel Kastroga qarshi keskin bayonotlar bergan edi. U hatto amaldagi prezident Barak Obama boshlagan Kuba bilan yaqinlashish siyosatini teskari burishga tayyorligini bildirgandi.
Izoh (0)