Дональд Трамп Фидель Кастрони шафқатсиз диктатор деб атади

АҚШнинг янги сайланган президенти Дональд Трамп марҳум Куба инқилоби етакчиси Фидель Кастрони шафқатсиз диктатор деб атади, деб ёзади «Ведомости».

«Бугун бутун дунё тахминан олти авлод давомида ўз халқига зулм қилган шафқатсиз диктаторнинг вафотини муҳокама қилмоқда», — деди Трамп.

У Куба халқи қачондир озодликка эришишига умид билдирди. «Куба тоталитаризм ороли бўлиб қолаётган бир пайтда шунга умид қиламанки, бугунги кун жуда узоқ вақт бардош берилган даҳшатлардан ажойиб Куба халқи ўзи лойиқ бўлган озодликка эришадиган келажакка ўтилган кун сифатида ифодаланади», — деди Трамп.

Эслатиб ўтамиз, Куба инқилоби етакчиси сифатида танилган Фидель Кастро 90 ёшида оламдан кўз юмди. Шундан сўнг Трамп ўз Twitter’ида «Фидель Кастро вафот этди!», — дея қисқа хабар қолдирди.

Сайловолди кампаниясида Трамп Фидель Кастрога қарши кескин баёнотлар берган эди. У ҳатто амалдаги президент Барак Обама бошлаган Куба билан яқинлашиш сиёсатини тескари буришга тайёрлигини билдирганди.