Rossiyaning koinot kengliklarini nazorat etish tizimi yangi komplekslari Oltoy, Uzoq Sharq, Buryatiya va Qrimda joylashtiriladi. Bu haqda Havo-kosmik kuchlari koinot qo‘shinlari qo‘mondonining sinovlar bo‘yicha o‘rinbosari, polkovnik Andrey Ivashina ma’lum qildi, deb xabar beradi “TASS”.
“Yaqin yillarda Rossiya Federatsiyasi hududida koinot kengliklarini nazorat etish tizimi yangi komplekslari joylashtiriladi. Bu yangi avlod maxsus radiotexnik nazorat va optik-elektron komplekslari tarmoqlari bo‘ladi. Ular Oltoydan tashqari Rossiyaning boshqa mintaqalari — Uzoq Sharq, Buryatiya va Qrimda ham joylashtiriladi”, — ta’kidladi Ivashina.
Polkovnikka ko‘ra, mazkur komplekslarning avvalgilaridan asosiy afzalligi ularning yangi element negizida qurilgani hisoblanadi. Ular ishga tushirilishi bilan Rossiya Havo-kosmik kuchlari Yer atrofi kengliklarini doimiy nazorat etish imkoniga ega bo‘ladi.
Izoh (0)