BMT bosh kotibi Pan Gi Mun Hindiston shimolidagi Jammu va Kashmir shtatida 17 kishining o‘limiga sabab bo‘lgan harbiylarga hujumni qoraladi. Bu haqda “TASS” xabar bermoqda.
“Bosh kotib jabrlanganlar tezda salomatligini tiklashini tilaydi va mazkur jinoyat aybdorlari aniqlanishi hamda javobgarlikka tortilishiga umid qiladi”, — deyiladi BMT matbuot xizmati axborotida.
“U barcha tomonlarni mintaqada tinchlik va barqarorlikni ta’minlash bo‘yicha olgan majburiyatlariga amal qilishga chaqiradi. BMT hodisalar rivojini diqqat bilan kuzatib bormoqda va mojaro hududida yashayotgan insonlar xavotiriga sherik ekanligini bildiradi”, — deya qo‘shimcha qilingan tashkilot axborotida.
Eslatib o‘tamiz, avvalroq Kashmirdagi piyoda bataloni harbiylariga hujumni uyushtirishda “Jaish-i-Muhammad” guruhi jangarilari gumon qilinayotgani haqida ma’lum qilingandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)