AQSh prezidentligiga Demokratlar partiyasidan nomzod Hillari Klinton raqibi Donald Trampni atigi 2 foizga ortda qoldirmoqda. Morning Consult kompaniyasi tomonidan 18-sentabr, yakshanba kuni e’lon qilingan ijtimoiy so‘rov natijalari shundan dalolat bermoqda, deya xabar beradi “TASS”.
Libertarianlar partiyasi nomzodi Geri Jonson 8 foiz olmoqda, respondentlarning yana 3 foizi “Yashillar” partiyasi vakili bo‘lgan Jill Steynni ma’qul ko‘rgan. So‘rov 15—16-sentabr kunlari o‘tkazilgan.
Shu bilan birga, CBS telekanaliga ko‘ra, prezidentlik poygasining asosiy qatnashchilari 13 shtatda ovoz yig‘ish uchun kurashda tenglashdi: Klinton ham, Tramp ham mazkur hududlarda 42 foizdan ovoz to‘plamoqda.
Eslatib o‘tamiz, AQSh prezidentligi uchun saylovlar 8-noyabr kuni o‘tkaziladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)