Rossiya va NATO o‘rtasida davom etayotgan muloqot o‘zida ijobiy signallarni tashimoqda. Finlyandiya prezidenti Sauli Niinistyo shaxsiy blogida shunday fikr bildirdi, deya xabar beradi “TASS”.
“NATO va Rossiya shu haftada Boltiq dengizi mintaqasida parvozlar xavfsizligi kafolatlari masalasida boshlangan muloqotni davom ettiradi. Ikki tomon ham bu muhokamani xavfsizlikning umumiy masalalarigacha kengaytirayotgani yaqqol ko‘rinib turibdi. Shunday muhokama bo‘layotganining o‘zi ijobiy holat. Finlyandiya ayniqsa parvozlar xavfsizligidan xavotirda, shu bois mazkur yo‘nalishdagi kichik qadam ham o‘ta muhim”, — deya ta’kidladi Niinistyo.
Ma’lumot uchun, NATO bosh kotibi Yens Stoltenberg yaqin orada Rossiya tashqi ishlar vaziri Sergey Lavrov bilan Rossiya va alyans o‘rtasida siyosiy muloqotni yo‘lga qo‘yish masalalarini muhokama etish niyatida ekanligi bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)