Bugun,

  • USD 11095.31
  • RUB 173.84
  • EUR 10772.44

Hindistonning Jammu va Kashmir shtatida joylashgan armiya piyoda batalyoniga terrorchilar hujumi oqibatida kamida 17 nafar harbiy xizmatchi halok bo‘ldi. Bu haqda NDTV telekanaliga tayanib, “TASS” xabar bermoqda.

Foto: AP

Foto: AP

Hujum 18-sentabr, yakshanba kuni tongda Uri shahrida ro‘y berdi. Dastlabki ma’lumotlarga ko‘ra, hujumni qo‘shni Pokistondan Hindiston hududiga o‘tgan jangarilar sodir etgan bo‘lishi mumkin.

Harbiy qismning bir necha kazarmalari alanga ichida qolgan, otishma davom etmoqda. Batalyonga kirishga muvaffaq bo‘lgan kamida to‘rt nafar terrorchi yo‘q qilingani bildirilmoqda. Telekanalga ko‘ra, bu oxirgi bir necha yil mobaynida hind harbiylariga qarshi uyushtirilgan eng qonli hujumdir.

Hindiston ichki ishlar vaziri Rajnatx Singx mamlakat shimolidagi vaziyat yuzasidan shoshilinch yig‘ilish chaqirdi. Vazir Moskva va Vashingtonga rejalashtirgan tashriflarini kechiktirishini ma’lum qildi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi