Yaman hukumati va isyonchi shialar (xusiylar) vakillari Kuvaytni tark etadi, ammo maslahatlashuvlar bu bilan tugamaydi, deya xabar bermoqda “TASS” BMT bosh kotibi maxsus elchisi Ismoil uld Shayx Ahmadga tayanib.

“Bugun biz Kuvaytni tark etmoqdamiz, ammo maslahatlashuvlar davom etadi. Muzokaralar formati va mexanizmlari yaqin haftalar davomida o‘zgaradi”, — dedi emissar.

Uchrashuvlarning o‘tgan davrasiga bag‘ishlangan matbuot anjumanida u, shuningdek, jahon tashkilotining nizo tomonlariga tavsiyalari haqida gapirib berdi. “Birinchidan, tomonlar jangovar harakatlarni to‘xtatish shartlarini bajarishga, ikkinchidan, Dahron al-Janub shahrida yarashuv bo‘yicha qo‘mita faoliyatini ishga tushirishga majbur”, — deya ta’kidladi ald Shayx Ahmad.