Moskvaning Vnukovo aeroportidan Maxachqal’aga yo‘l olgan samolyot uchuvchilar tomonidan balandlikka ko‘tarilish chog‘ida qayd etilgan texnik nosozlik tufayli, aeroportga qaytib keldi, deya xabar bermoqda “TASS” Vnukovo matbuot xizmatiga tayanib.

“Samolyot manziliga Moskva vaqti bilan 22:41 (Toshkent vaqti bilan 7-avgust 00:41)da uchib ketdi. Balandlikka ko‘tarilish chog‘ida texnik nosozlik haqidagi signal qayd etildi, havo kemasi kapitani qaytish haqida qaror qabul qildi. Samolyot aeroportga eson-omon qo‘ndi”, — deyishdi matbuot xizmatidagilar, ammo texnik nosozlik turiga aniqlik kiritilmadi.

Reys UTair aviakompaniyasi tomonidan amalga oshirilayotgan edi.