Belgiya bosh vaziri Sharl Mishel Sharleruada politsiyachilarga qilingan hujum terakt bo‘lishi mumkinligini taxmin qilmoqda, deb yozadi “RBK”. Bu haqda u RTL teleradiokompaniyasi bilan telefon suhbati chog‘ida aytib o‘tdi.
“Dastlabki belgilar juda yaqqol tarzda terrorizmga ishora qilmoqda”, — dedi Mishel.
Hodisa 6-avgust, shanba kuni kechqurun sodir bo‘ldi. Machete (uzun va ingichka pichoq) bilan qurollangan erkak shahar politsiyasi uchastkasi hududiga kirib olib, “Ollohu Akbar” deya xitob qilgan holda tartib posbonlariga hujum qildi. Oqibatda ikki kishi yaralandi.
Huquq-tartibot organlari xodimlari hujum qilgan shaxsni otib tashladi, u keyinroq olgan jarohatlari tufayli vafot etdi.
Sharl Mishel 7-avgust, yakshanba kuni Milliy xavfsizlik kengashini chaqiradi. U, shuningdek, Sharlerua politsiyachilari bilan uchrashishni rejalashtirmoqda.
Izoh (0)