Яман ҳукумати ва исёнчи шиалар (хусийлар) вакиллари Кувайтни тарк этади, аммо маслаҳатлашувлар бу билан тугамайди, дея хабар бермоқда «ТАСС» БМТ бош котиби махсус элчиси Исмоил улд Шайх Аҳмадга таяниб.
«Бугун биз Кувайтни тарк этмоқдамиз, аммо маслаҳатлашувлар давом этади. Музокаралар формати ва механизмлари яқин ҳафталар давомида ўзгаради», — деди эмиссар.
Учрашувларнинг ўтган даврасига бағишланган матбуот анжуманида у, шунингдек, жаҳон ташкилотининг низо томонларига тавсиялари ҳақида гапириб берди. «Биринчидан, томонлар жанговар ҳаракатларни тўхтатиш шартларини бажаришга, иккинчидан, Даҳрон ал-Жануб шаҳрида ярашув бўйича қўмита фаолиятини ишга туширишга мажбур», — дея таъкидлади алд Шайх Аҳмад.
Изоҳ (0)