Xitoy raisi Si Szinpin va Rossiya prezidenti Vladimir Putin Xanchjou shahrida 4—5-sentabr kunlari bo‘lib o‘tadigan G20 sammiti davomida ikki tomonlama uchrashuv o‘tkazadi. Bu haqda Xitoy TIV Yevropa va Markaziy Osiyo departamenti direktori Guy Sunyuy ma’lum qildi, deya xabar beradi “Interfaks”.
“Prezident Putin Si Szinpin taklifiga binoan keladigan Xanchjouda asosiy mehmon bo‘ladi. Sammitdan tashqari, G20 maydonlarida ikki davlat rahbarining alohida uchrashuvi bo‘lib o‘tadi. Unda Putinning Xitoyga 25-iyun kuni bo‘lib o‘tgan tashrifi natijalari, Rossiya va Xitoy munosabatlarini yanada rivojlantirish masalalari muhokama qilinadi”, — deya ta’kidladi diplomat.
Guy Sunyuyga ko‘ra, uchrashuv qisqa va rasmiyatchilik uchun emas, shakl hamda mazmun jihatidan to‘laqonli bo‘ladi, uning yakunlari bo‘yicha yangi kelishuvlarga erishilishi kutilmoqda.
Izoh (0)