BMT bosh kotibi Pan Gi Mun KXDR tomonidan o‘tkazilgan ballistik raketalar sinovini qoraladi va bunday xatti-harakatlar “mintaqadagi tinchlik va barqarorlikka jiddiy zarar yetkazishi”ni aytdi. Bu haqda jurnalistlarga uning rasmiy vakili Stefan Dyujarrik ma’lum qildi, deb yozadi “TASS”.
Uning so‘zlariga ko‘ra, BMTdagilar raketalar uchirilgani, ulardan biri, ma’lumotlarga ko‘ra, Yaponiya iqtisodiy hududiga borib tushgani yuzasidan chuqur xavotir bildirmoqda.
Koreya Respublikasi shtab boshliqlari qo‘mitasi KXDR 3-avgust kuni mahalliy vaqt bilan 07:50 (Toshkent vaqti bilan 03:50)da Yapon dengiziga qarata ballistik raketa uchirganini ma’lum qilgan edi.
Keyinroq Janubiy Koreya Seul THAAD raketaga qarshi tizimini o‘z hududiga joylashtirib, to‘g‘ri qaror qabul qilganini aytgan edi.
Izoh (0)